Æ fjandans!....smá vesen...það síðasta..ég lofa :O)

 

Ég er svo undarlega spéhrædd einhvernvegin að mér finnst vont að blogga um litla Jón eftir að Sigga vinkona sagði mér að Gimsi, væntanlegur barnsfaðir minn, lesi þessa blogggjörninga mína til þess að fylgjast með mér...þá fer ég að verða meðvituð um það sem ég skrifa á annan hátt og ég nenni því ekki, mér hentar betur að sleppa ritskoðun á sjálfa mig og láta bara flæða á "pappírinn" það sem ég hugsa.

 

Og svo smá óviðeigandi persónuleg orðsending....sem ég vonast til þess að endurtaka aldrei aftur

Það þarf engar njósnir kallinn minn , þú ert velkomin að taka allann þann þátt sem þú vilt eins og hefur legið ljóst fyrir frá því áður en ég fór fyrst í snemmsónar...jafnvel áður en ég ákvað að halda krílinu   Ég á heima á sama stað...er með sama símanúmer...við erum á msn, facebook og myspace svo ég tali nú ekki um e-mail addressurnar allar saman. Við búum í sama naflanum, erum í sama skóla og eigum sömu vinina svo það ætti ekki að vera erfiðleikum bundið bara að slá á þráðin og fá fréttir og fylgjast með eða taka þátt ef það er það sem þú vilt gera, fyrir opnum tjöldum (eða að minnsta kosti svo ég viti af því hehehe)  En allt leynimakk og undirferli fer agalega í mig svo ég meika ekki einhver svona "þykjustu-kommentaðu bara á það, beint úr áramótaskaupinu-undirferlis" samskipti. 

 

Vona svo bara að fólk fyrirgefi mér óviðeigandlegheitin (jú það er víst orð) svona einu sinni ef ég lofa að gera þetta aldrei aftur

 

 

Svo vill ég bara benda ykkur á að lesa frekar færsluna sem er hérna beint fyrir neðan....hún er bæði mikið skemmtilegri .....og svo var ég að monta mig þar

 

 

Athugasemdir

[Kristín (IP-tala skráð) 21.1.2009 kl. 21:26]

ég varð bara að kommenta á þetta, blogggjörningur er frábært orð!

[Birna Eik Benediktsdóttir, 21.1.2009 kl. 22:15]

haha   já...það er ekki oft sem maður fær að njóta þess unaðar að sjá þrjú g standa saman

[kristín (IP-tala skráð) 21.1.2009 kl. 23:10]

nei, hekkklippur er líka gott orð, vegggat og hasssali líka, tala nú ekki um Heyáaey (eyjan sem er úti í Heyám hlýtur að heita þetta, hvar eyjan og árnar eru eða hvort þau eru yfirhöfuð einhversstaðar er annað mál...)

[Birna Eik Benediktsdóttir, 21.1.2009 kl. 23:12]

Hahaha   þú ert snillingur....ég var bara með rassskella... 

[Róbert Jóhannsson, 21.1.2009 kl. 23:38]

Þátttaka er líka klassík, var með eitthvað annað, skrifa það þegar ég man

[Pipardóra... (IP-tala skráð) 21.1.2009 kl. 23:39]

Elska svona orð.... Vaðlaheiðarvegavinnuverkfæraskúr... he he.... vildi bara bæta þessu við .... luvya

[Ella frænka (IP-tala skráð) 22.1.2009 kl. 20:17]

Hæ veistu....að það hefði verið bara betra að senda honum þetta á meili...Ella

[Birna Eik Benediktsdóttir, 22.1.2009 kl. 20:50]

Æ það er líklega rétt hjá þér Ella....en ég er orðin svo ringluð í öllu þessu læðupúkastandi að ég bara var ekki að ná að meta hvort ég væri þá líka að læðupúkast hahaha    Svona getur maður orðið ringlaður þegar maður er ekki á sínu "turfi"