Á að hrista í þetta líf?

21.3.2011 | 12:32

Það er spurning.

Lífið hendist áfram öllum að óvörum og nú er að koma vor 2011 Woundering

Strákasúpan dafnar vel, þrír í Danmörku og einn á Íslandi. InLove Eyþór og Benni eignuðust litla systur um Jólin og Baldur eignaðist lítinn bróður í Janúar svo að núna eru systkinin víða orðin mörg. Benni og Eyþór eiga þá 4 systkini, Baldur líka 4 en Jón heldur sínum 5 óbreyttum.

Ég hlakka agalega mikið til sumarsins, að fá Eyþór í heimsókn og svo er fyrirhuguð þriggja vikna fjölskylduferð til landsins bláa með alla súpuna...ég er orðin svo dönsk að ég er auðvitað byrjuð að plana Wink

Benni og Jón æfa júdóið af kappi og það líður ekki sú æfing sem ekki er haft orð á því hvað fjögurra ára pjakkurinn lætur finna fyrir sér, ári yngri en næsti fyrir ofan en er þeim, þrátt fyrir það, engin eftirbátur...litla ofurhetjuþykkni Cool

Aðaláhugamálið hans Jóns er mannfjöldastjórnun. Hann sýnir mikla hæfileika á því sviði sem og á sviði tamninga. Árangurinn má yfirleitt sjá seinnipart dags, rétt fyrir kvöldmat þegar tveir fullorðir og tvö börn leika æfðar listir sem litla herramanninum eru þóknanlegar. Hver sagði svo að minnihlutastjórn væri slæm hugmynd?Það eru komnar nýjar myndir (loksins) og nýtt albúm í myndahorn þeirra bræðra hér til hliða.

Bloggpenninn er svolítið ryðgaður en það er vonandi að ég hrökkvi í gang við þetta smáskot ;)

Flokkur: Bloggar | Facebook

Athugasemdir

Bíddu nú við, er ég alveg orðin gaga, skil ekkert lengur í þessari ormasúpu... Er Jón virkilega farin að æfa Júdó, er hann ekki bara nýfæddur??

Hrafnhildur Kristjánsdóttir (IP-tala skráð) 21.3.2011 kl. 22:45

Hún hlýtur að meina Baldur! Það getur bara ekki annað verið :D

Hrafnhildur Ýr (IP-tala skráð) 21.3.2011 kl. 22:48

HAHAHAHAHA

ég er auðvitað að meina Baldur. Jemin, þeir eru orðnir svo margir að meira að segja ÉG rugla þeim saman!!

Ég man mína barnæsku, var kölluð "Gurrý, Elva, Jóna, Birna" af pabba mínum og "Helga, Magga, Birna" af mömmu hehe

Birna Eik Benediktsdóttir, 22.3.2011 kl. 05:45

hæhæhæ ég skildi einmitt ekkert í þessu jóns, Baldurs dæmi

en hvernig gekk að hrökkva í gang??

sakn

anný (IP-tala skráð) 17.4.2011 kl. 23:13

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Á vit ævintýranna....enn á ný :O)

Höfundur

Birna Eik Benediktsdóttir

Fædd og uppalin Kópavogsmær sem þrátt fyrir flakk um víða veröld hefur ræturnar kirfilega festar á Íslandinu góða. Móðir, dóttir, systir, frænka, vinkona, nemi og síðast ekki ekki síst óþrjótandi uppspretta seiglu og jákvæðni