Hryðjuverkamenn í marga ættliði...

Eða hvað ?

 

Áhugaverðir tímar að lifa á...þessir hryðjuverkamannatímar.  Menning okkar Íslendinga, sem hefur að mér finnst einkennst af hörkudugnaði, sköpun, sjálfsbjargarviðleitni, samhyggð og fljótræði, er allt í einu orðin skotspónn stórra manni í stærri löndum sem segja okkur vera hryðuverkamenn...og beita á okkur lögum vegna þessa.

 

Nú hef ég reynt að láta það vera að viðra mínar pólitísku skoðanir hátt á þessu bloggi, bæði vegna þess að ég vill ekki halda útí pólitíkusarbloggi...og vegna þess að ég hef einfaldlega ekki tíma til þess að setja mig nægilega vel inní mál líðandi stundar til þess að geta rætt þau á vitrænan hátt...en nú keyrir um þverbak

 

Verð bara að lýsa mig algerlega "flabergasted" (bara fyrir mömmu) yfir þessu ástandi. Að ráðamönnum þjóðar eins og Bretlands geti leyfst að beita lagaúrræðum sem þessum gegn smáþjóð norður í hafi vegna efnahagshruns, þrátt fyrir að menn hafi talið sig geta fundið einhverja ranghala á lögunum sem geri þeim þetta kleift, er bara út í Hróa Hött. 

 

Víst hafa menn haldið rangt á spilunum hér, því neitar enginn (nema þeir sem sökina bera)  og víst hafa ráðamenn hinnar íslensku þjóðar látið varnaðarorð annars staðar frá sem vind um eyru þjóta á vænum vordegi EN.....getur það verið rétt að skuldsetja komandi kynslóðir upp í topp....er ekki forkastanlegt að börnin okkar og barnabörn þurfi að bera ábyrgð á sukki bónusfeðga, björgólfa og fleiri "viðskiptamanna"?

 

                               Ímynd hinna íslensku hryðjuverkamanna - sem munu fá að borga fyrir syndir feðranna...

 

Það er óneitanlega undarlegt staða að vera íslendingur í útlöndum núna...ekki nóg með að við fáum ekki námslánin okkar vegna lokunar símgreiðslna til og frá skerinu og er því ætlað að lifa burtflognum hænsnum og teiknuðum kartöflum og semja við símafyrirtæki, húsaleigufyrirtæki og guð veit hvað því ekki getur maður borgað reiknga með teikningum af ímynduðum mat ......heldur er það að vera íslendingur núna...ekki það sama og það var að vera íslendingur í sumar.

 

Ég hef búið í útlöndum næstum öll mín fullorðins ár......og þó nokkur af táningsárunum, en hvar sem ég hef komið hefur  manni ávalt verið tekið frábærlega...allstaðar hefur verið gott að vera íslendingur. Greinilega komin frá velferðarsamfélagi þar sem læsi er með því hæsta í heiminum, fólk er almennt umburðarlynt, allir eiga nóg að borða og vel flestir ganga einhvern menntaveg...lítil þjóð...sem með elju og vinnusemi hefur troðið sér á bekkinn hjá stóru stráknum......

 

...núna...vorkennir fólk manni og fær samviskubit ef það er ekki með pening í vasanum til að rétta manni þegar það heyri að maður er íslendingur.... "hvað gerið þið nú" "heppin þú að vera í DK" "muntu ekki bara gera börnin þín að dönum" ...sumstaðar koma ljótar athugasemdir...jafnvel í garð barna...."þið hefðuð átt að passa ykkur betur...vera ekki að kaupa upp OKKAR fyrirtæki í einhverri sýndarmennsku" ....ég bara keypti engin fyrirtæki..né heldur gerðu synir mínir það...eða bræður eða systur eða vinir eða félagar...

 

Það er erfitt að vera stoltur Íslendingur núna...ég er það samt..hef alltaf verið það og mun líklegast alltaf vera það...með þykkar rætur heim í mína hörðu náttúrufegurð og hina einmannalegu rómantísku friðsæld fjallanna..það gáfu foreldrar mínir mér í arf...líkt og mína íslensku vinnu og röggsemi..sjálfsbargarviðleitnina...kraftinn..."þetta reddast" fídusinn (hehe)...og hin eilífa húmor fyrir lífinu og tilverunni og aldrei skal nokkur fá að taka það frá sonum mínum að fá að alast upp við það að vera stoltir af því að vera Íslendingar......(vá....óverdósaði aðeins á ættjarðarástinni )

 

Ég ætla ekkert að þykjast vita hvað sé best í stöðunni...lán frá Rússum er skerí...hvað vilja þeir í staðin...lán frá Alþjóðagjaldeyrisstofnun er skerí...hvað vilja þeir í staðin...  ráðamenn þjóðarinnar (piff) flökta eins og lauf í vindi og engin segir neitt sem hægt að er ganga út frá að sé satt og rétt og standist fram undir kvöldmat

...verst þykir mér hvað frændur okkar Norðmenn, Svíar og Danir hafa í raun verið seinir til að funda um málefni Íslendinga því réttast þætti mér að í nafni frændernis myndu þeir sameinast um að reyna að hjálpa okkur eitthvað. 

 

En...þegar sérhver maður stendur á sökkvandi skútu er harla ólíklegt að þaðan berist útrétt hjálparhönd til þess er siglir lekasta fleyinu...

 

Hvet ég ykkur öll til þess að koma ykkar til skila til félaga Brown og þessara snillinga þarna með því að ýta hér.

Athugasemdir

[Dagmar Íris (IP-tala skráð) 27.10.2008 kl. 21:16]

já hvað á eftir að gerast með eyjunna okkar?

Dagmar Íris

[sibbinn (IP-tala skráð) 28.10.2008 kl. 01:11]

Það sem gerist er að við munum hafa það skítt í nokkur ár en svo jafnast þetta. Það sem á að gera núna er að stækka kvótana tímabundið og jafnvel bæta við einu eða tveim álverum (reyndar er álverð búið að hríðlækka undanfarið) og svo á að setja meiri kraft í ferðamannaþjónustuna en allt þetta myndi hala inn helling af gjaldeyri sem okkur vantar jú svo svakalega um þessar mundir.

[Kristín (IP-tala skráð) 29.10.2008 kl. 16:32]

já, nú er erfitt að vera íslendingur! EN við erum nú samt stolt af því!

jú, þetta hlýtur að reddast, allavega mun þetta fara einhvern veginn...  og ekki getum við, eljusamir og bjartsýnir íslendingar, lagt árar í bát núna - þá myndi okkur bara leiðast, maður verður nefnilega að hafa eitthvað fyrir stafni annars hefur maður of mikinn tíma til að velta sér upp úr ástandinu.

Ég vil endilega benda þeim sem eru ekki sáttir við framgang mála á aðra síðu: www.kjosa.is

sakn sakn - Kristín