Kerteminde, heaven on earth :O)

 

Þorpið litla sem lúrir við austurströnd Fjóns, þorpið litla sem systur tvær utan af Nesi nutu í 3 mánuði forðum daga ástamt börnum, mönnum og fylgdarfólki.....þorp með máluðum útihurðum, litlum skökkum burstahúsum og dönum sem segja "halloj" yfir götuna þegar þeir mætast á hjólunum....ég komst að því þegar ég var komin langt yfir tvítugt að þetta þorp hefur líka sögulegt gildi fyrir dani.....ekki bara mig og mína fjölskyldu

 

Ég .....vopnuð litla liðinu...ætlaði í Tivoli í dag....það vildi þó ekki betur til en svo að Tivolíið var bara farið   Eyþór bugaðist á staðnum og tuðaði eins og gömul kelling á  meðan við Benni ákváðum bara að fara á ströndina í staðinn.....Baldur var geim í hvað sem er svo við hentumst heim og sóttum strandgræjur.......og rúntuðum svo í þessar 20 mín sem það tekur að fara til Kerteminde.

 

Þarna eru piltar þrír mættir, algerlega soðnir eftir bílferðina. Við ákváðum að það eina viturlega í stöðunni væri að fá sér ís áður en farið yrði í sjóinn.

 

 

 

 

Gomsarnir voru snöggir á háttaranum og voru komnir í réttar græjur fyrr en varði, ég auðvitað fór með pattanum og ég verð að játa að ég lifi enn fyrir þessa einu frískandi stund í dag haha.....tær í sjó....

 

Við Baldur höfðum nú ekki sérstaklega langa viðdvöl í flæðarmálinu fyrst í stað heldur héldum brátt að okkar beisi og fengum okkur kex og eplasafa til hressingar.

Flæðarmálið í Kerteminde er þannig að maður getur vaðið og vaðið og vaðið lengst út á haf....en sjórinn verður ekki dýpri en svo að hann nær manni í mitti.  þessi gífurlega sandparadís var vel nýtt af þeim bræðrum...en Baldur og Benni unnu að mestu rétt í flæðarmálinu á meðan Eyþór var á sundi.

 

             

 

Þessar......og fleiri eru allar að finna í ormaalbúminu góða sem virðist vera í einhverjum vaxtarkipp þessa dagana.....þetta er að komast inn í möntruna mína...."lykar, veski, sími, MYNDAVÉL" 

Við vorum sem fyrr vel nestuð og mættum bara heim í kvöldbaðið....þeir bræður fengu að fara allir saman í sturtu og var mikið um hrossahlátra inna af baðherbergi og alveg er hreint ótrúlegt hvað eitt baðherbergi getur orðið blautt á ekki meiri tíma en tíu mínútum   

 

Við litli Jón erum vel maríneruð eftir daginn...ég orðin heltönuð á bumbunni og gaurinn bara lá og svaf í hitanum....NÚNA aftur á móti er hann að ná sér niður á mér fyrir virkni helgarinnar með endurinnréttingum og samdráttarverkjum og svoleiðis skemmtilegheitum

Athugasemdir

[Elín Sigurðardóttir, 1.6.2009 kl. 22:19]

Oh Kerteminde! þvílík snilld! Er pusluvagninn ennþá á sínum stað? Hvað með súra barinn m. fríkadellunum hvað hét hann aftur? Hefði alveg verið til í að vera með ykkur, mín hefði tekið sig vel út í strákastóðinu. Vön gaurum enda 15 gaurar og 5 stelpur á leikskóladeildinni hennar. Knús úr Álftamýrinni!

[Birna Eik Benediktsdóttir, 1.6.2009 kl. 22:28]

Amanda Bar hehe...nei hann er lokaður núna og stendur eitthvað um health hassard í glugganum...en ég rúntaði þangað útettir í mars og þá var hann enn opin......með samskonar úrvalsliði af kúnnum ;O)

Pylsuvagninn var á sínum stað en tyggjósjálfsalinn sem sá familíunni fyrir tyggjói þar til svarti maðurinn fékk gula.....er horfin...ég syrgði hann smá.

Það hefði bara verið frábært að hafa félagsskap af ykkur þarna....með rauðhærðu dömuna sólblokkaða í kross...  :O)   Heimboð alltaf opið hehe  ;O)   erum með aukaherbergi og alles undir flökkukindur :O)