Baldur og Jón Egill

 

Dagurinn í dag var þeirra bræðra, en þó meira Baldurs

 

 

Litla ofurhetjuþykknið fyllir árin þrjú á morgun og héldum við því örlítin mannfögnuð í dag.  Hann var hafður mjög lítill vegna þess hve litli maðurinn er nýr.

 

Á þessari slóð http://kvendiogkrakkar.blog.is/blog/kvendiogkrakkar/month/2008/8/ er að finna færslu sem var skrifuð á afmælisdaginn hans Baldurs í fyrra.    Þar má finna lýsingu á þeim karakter er býr í þessum litla kroppi.

Hann hefur styrkst enn frekar í sínum persónuleika, nema hvað núna er hann líka með tali   Hann er jafn þrjóskur, jafn ákveðinn, jafn skondinn, jafn fyndinn, jafn grallaralegur, jafn sætur og jafn hávær........hann er minni óviti en meiri frummaður.

 

Hann vill bara borða töt...ss. kjöt, skylmist eins og víkingur, gengur (of)  vasklega fram í  því sem hann tekur sér fyrir hendur og stendur fast í báða fætur. Hann lætur EKKERT hagga sér....ALDREI.  Er lipur og klár og með ótakmarkaðan orðakvóta....(við hvern ætli ég geti talað til þess að fá einhverjar hömlur settar á þennan kvóta  )

 

 

 

 

 

 

 

 

 

Baldur var nú ekkert alveg viss hvað það var að eiga afmæli, og harðneitaði í fyrstu þegar hann var spurður hvort hann væri orðin 3 ára....en hann var auðvitað auðveldlega ginkeyptur drengurinn, svona þar sem að afmæli þýða kökur, nammi, gestir og pakkar

 

 

Dagurinn var yndislegur og vel heppnaður í alla staði, börnin sæl og ánægð og fullorðna fólkið fékk góða þjálfun fyrir vanrækta málvöðva. 

 

 

Jón Egill var til fyrirmyndar í dag, sem og aðra daga. Hann svaf....vaknaði einusinni til þess að drekka og vera fallegur og lagði sig svo aftur

Nafnið hans er merkilegt nokk fengið af sama lista og var notaður þegar við vorum að reyna að malla saman nafni á Baldur.  Þá var Jón úti því að það er skrifað með kommu á íslensku en ekki á dönsku....og Egill var úti því það er skrifað Egild á dönksu.

 

NÚNA hins vegar er barnið ekki danskt....

 

Fyrra nafnið var nafn langafa míns heitins, og er Egill bara úr lausu lofti gripið sökum fegurðar  Ég er mikið búin að spá í merkingu þessara nafna ásamt frænku minni og urðum við sammála um það að þau merktu eitthvað alveg ákveðið....sem ég auðvitað man ekki alveg hvað er....og hún er offlæn....  Spyr hana seinna hvort hún man það.....lofa

 

Ekki skemmir svo fyrir að tvö systkina minna fengu lítinn nafna í dag, þau Guðbergur Egill og Jóna né að föðurforeldrar Jóns Egils heita  Jón og Jóna

 

Ég var bara nokkuð dugleg á myndavélinni í dag og má sjá afrakstur þess í skæruliðaalbúminu

Athugasemdir

[Jóna (IP-tala skráð) 30.8.2009 kl. 06:30]

Elsku Baldur innilega til hamingju með afmælið stóri strákur......Og kæra fjölskylda innilega til hamingju með flotta nafnið knús

[Gulls (IP-tala skráð) 30.8.2009 kl. 08:27]

Elsku Baldur til hamingju med daginn og allt maður minn. Og innilega til hamingju með nafnið, rosaleg á það eitthvað vel við. Þarf að finna tíma til að kíkja til Odense....hilsen

[Randý (IP-tala skráð) 30.8.2009 kl. 21:57]

Til hamingju með ALLA litlu mennina þína.

[Kristín frænka (IP-tala skráð) 31.8.2009 kl. 08:25]

innilega til hamingju með alla strákana Birna!

Baldur, til hamingju með afmælið!

Jón Egill, til hamingju með nafnið þitt - ég skal fletta því upp aftur hvað þetta þýðir allt saman ;)

Stóru strákar, til hamingju með litlu bræðurna :)