1. September

Hin langþráði dagur er loksins runninn upp!

 

Afhending íbúðar mun eiga sér stað í dag...það setur þó smá blett á daginn að bölvaður gámurinn kemur víst ekki fyrr en á morgun svo að það verður smá útilega í kvöld í nýja húsinu en við erum að spá í að elda bara alvöru mat í fyrsta skipti í langan tíma og kveðja útilegulífið með stæl

Ég er semsagt aaaalveg að fara að moka okkur héðan út.....alveg rétt bráðum...um leið og ég stend upp

En fyrstu dagar skóla okkar fullorðna fólksins eru nú liðnir og tekur nú alvaran við, strákarnir eru fastir í workshoppi alla vikuna en þar sem ég er í fríi á mánudögum (og föstudögum) var ég sett í flutningsmál.  (sjáið hversu vel það er að gefast so far )

Ég er að upplifa alveg nýja hluti í þessum skóla...þannig er mál með vexti að ég er bara með eldri nýnemum þarna....fyrir utan auvðitað ellilífeyrisþegana sem komu með mér frá Íslandi (einn þeirra fékk áfall um daginn þegar dama sem hann var að tala við á barnum reyndist vera 15 ára!!!  Honum stóð EKKI á sama hehehe) 

Í mínum hópi í skólanum erum við tvær 26 ára, og svo er restin bara á bilinu 18-21 árs.  Þetta er afar spes upplifun fyrir mig, og þá sérstaklega þar sem ég hef yfirleitt verið sú yngsta í þeim hópum sem ég hef verið í, bæði vinahópum og í fjölskyldunni minni.

Fyrsta daginn vorum við spurð svona að hinu og þessu um okkur sjálf, og vorum beðin að skýra aðeins frá því hvað á daga okkar hefði drifið (flest þessara krakka hafa lifað svo fáa daga að það tók ekki langan tíma   en svo kom að mér, og ég segi eins og er, að ég hafi lært hér og þar, verið rúmt ár í Portúgal, 7 ár í köben og svo eitt á Íslandi...þá voru rekin upp stór augu og prófessorin spurði..."How old are you?"  og þegar ég segist búa yfir þeim "whopping age of" 26 hrundu þó nokkur andlit í gólfið ... mér var mikið skemmt (ego.is) Bíðum bara og sjáum hvernig viðbrögðin verða þegar þau komast að því að ég eigi 3 börn híhíhí.

 

En þegar mér er farið að líða eins og antik húsgagni með reynslu á við heilt elliheimili og meira til, þá lalla ég bara yfir til strákanna og líður eins og ég sé 14 ára hahaha (hey, þeir eru ýmist fúlskeggjaðir eða sköllóttir)

 

Uppgötvun síðastliðnar viku er án efa sú að þýskar konur eru í alvöru oft svona "amerísku bíómynda" þýskar....í mínum bekk eru allavega tvær 19 ára sem gætu allt eins talið fólki trú um að þær væru mæður mínar!

En það er víst fjörið, þessi blessaði margbreytileiki og vitneskjan um það hvað maður veit lítið um næstum allt!  vonandi nær maður eitthvað að læra á næstu misserum, bæði um sjálfan sig og aðra (og kannski vonandi líka námsefnið )

 

 

Ég þakka mínum sæla þessa dagna fyrir mín íslensku gen og það myndarlega fólk sem foreldrar mínir eru...

Athugasemdir

[Anna Sjöfn Skagfjörð Guðjónsdóttir, 1.9.2008 kl. 11:10]

Haha gott að vera íslendingur

[Kristín frænka á Ísó (IP-tala skráð) 1.9.2008 kl. 17:39]

hehe, þú lífsreynda gamla kona ;)

[Dóra laaaaaaaaataaaaaaaaa (IP-tala skráð) 1.9.2008 kl. 22:16]

Hi Hi Hi.... er með rugluna svo það er alveg sama hvað ég segi í þessu kommenti.... kem hvort sem er til með að líta út eins og karakter í Tomm og Jenna. Svo ég ætla bara að vera löt og segja strax: Jebb! ég er konan með veika höfuðið og ég bið að heilsa.

 bæj bæj í bii

kv.

Dóran Hóran

[sibbinn (IP-tala skráð) 1.9.2008 kl. 22:30]

kvitterí kvitt kvitt