JÓLA - SURPRISE!!!

Eins og maðurinn sagði...þá er sjaldan ein báran stök, when it rains it pours og þar fram eftir götunum

 

Hér á þessu undursamlega frjósama heimili er sem sagt von á fjölgun (ekki fá hjartaáfall, allir nánustu (mín megin, veit ekki hvernig pabbinn hefur staðið sig í upplýsingaflæðinu til síns fólks) eru BÚINIR að fá fréttirnar )  Jájá..ég veit að mörgum ykkar þykir snemmt að segja frá væntanlegri fjölgun þegar ekki er lengra liðið á meðgönguna en rétt tæpir 2 mánuðir...en málið er nú bara svoleiðis að þegar maður er að ganga með sitt fjórða barn...þá sér bara á manni nánast frá getnaði (fékk einhverntíman þá útskýringu að það hefði eitthvað með slaknandi liðbönd að gera...) og ég er orðin þreytt á..."ert þú nú loksins að fara fitna stelpa...orðin þetta gömul" kommentum og fleiri í sama dúr...svo eftir að doksi konstanteraði að núna væru innan við 5% líkur á því að þetta kríli hætti við að mæta ákvað ég bara að láta slag standa og hætta að fela mig fyrir öðrum   Svo að ykkur sem fáið hland fyrir hjartað sökum tímasetningar....segi ég bara að eiga ykkur og ykkar hneyksl í friði

Krílið mun vera væntanlegt þann 14. ágúst samkvæmt sónar og er það svolítið skondið þar önnur hinna væntalegu stóru systra á einmitt þann afmælisdag   en miðað við að í það skiptið sem múttan var ekki sett af stað í fæðingu með hina ormana þá gekk hún framyfir, má vona að litlu systkinin fái að eiga sitthvorn daginn. Svo breytast nú þessar dagsetningar oft í sónarskoðunum og slíku...

Þó svo foreldrarnir vaði ekki beint í peningum er víst til nóg af börnum En svona til þess að varpa ljósi á þetta fyrir mína GÍFURLEGA stóru stórfjölskyldu sem hefur bara hitt Gimsa einusinni (sumir...aðrir aldrei)...og það í fjölmennu stórafmæli, þá kemur litli Jón (viðurnefni sem hefur fests þrátt fyrir að Dóran segi að þetta sé dama)  til með að eiga þrjá eldri bræður og tvær eldri systur

 

   Litla krílið kemur því til með að vera vel ríkt af fólki og má geta þess til gamans að ég er yngst af sjö systkinum og pabbinn er yngstur af sex svo að það má með sanni segja að litla Jón kemur hvorki til með að skorta systkini, frændur eða frænkur   Og ekki má gleyma öllum bónusfrænkunum...(bestu vinkonur mömmunnar) Og Einsa heiðursfrænda

Þetta er eins og lesa má dágóður hópur og er það líklega ágætt að þetta er ekta íslenskur systkinahópur, semsagt dreifður á þrjár mömmur og þrjá pabba   Nú er bara að vona að allt þetta fullorðna fólk í kringum þessi kríli geti hegðað sér eins og fólk og látið þetta allt saman ganga upp svo ekki verði gengið á þau forréttindi ormanna að eiga systkini Ég á eins og flestir vita guttana og Gimsinn á dömurnar....og verður því spennandi að sjá hvort blandan af okkur verður gutti eða dama Víst er það vitað að þessir kallar eru oft frekari í barnamölluninni...en ég kalla hann samt litla Jón....og hana nú

 

Af okkur er annars allt flott að frétta. Ég er búin að skrifa svo margar ritgerðir að ég fer að breytast í heimildaskrá   Ég gref mig ofan í kjallara á ættarsetrinu hans Begga bróður og kem bara upp til að borða og knúsa  kallana mína....ókei..og mömmu   Annars erum við í frábæru yfirlæti hérna í Kolgerði og við stöndum á stanslausu blístri hér hjá ömmu og afa í sveitinni.

Endurkoma hersveitarinnar til Danmerkur er áætluð um miðjan janúar,  þá fyrst tekur við prófastress hjá múttunni... og þá kemur það sér AFAR vel að ormasúpan mín er svona lika AGALEGA vel upp alin hehehe

 

Over and out frá fjallageitunum í Kolgerði og megið þið öll njóta hátíðanna...líkt og það sé engin morgundagur (bara fyrir Sibba....og Robba )

Athugasemdir

[Kristín (IP-tala skráð) 24.12.2008 kl. 14:38]

innilega til hamingju með fjölgunina, kemur ekki annað til greina en að litli Jón verði frábær eins og restin af fjölskyldunni  

gleðileg jólin og allt það

love you all, Kristín frænka

[Linda (IP-tala skráð) 24.12.2008 kl. 14:52]

Til hamingju með litla bumbubúann :) Ég held að þetta verði æðislegt hjá þér allt saman. Við stelpurnar verðum alltaf til staðar ef eitthvað bjátar á :) Knús og kossar frá baunalandinu. Gleðileg jól til ykkar allra :)

[Anna Sjöfn (IP-tala skráð) 24.12.2008 kl. 15:18]

Til hamingju elskan mín þetta eru frábært, mér finnst þú vera svo skemmtileg mamma ;o)

[Helga (IP-tala skráð) 24.12.2008 kl. 15:38]

Til hamingju með fjölgunina, þetta er stelpa og Jón gengur alveg á stelpur. Kommon það er að verða komið 2009!

Gleðileg jól til ykkar allra og hafið það gott stóra fjölskylda:)

[Hildur (IP-tala skráð) 24.12.2008 kl. 15:43]

hí hí hí.. ég er STÓR hneyskluð á þér!!!! Að fjölga mannkyninu svona mikið.. ertu að reyna að ná mér?:P he he he he... tekur einn í viðbót og einn krakka í viðbót og þá ertu búin að ná mér bæði í barnafjölda og barnsfeðrum :p

[Monika og co. (IP-tala skráð) 24.12.2008 kl. 16:16]

Gleðileg jól litla kona... Kastaðu kveðju á parentið og strákana!

Monika, Kalli og Korka

[sibbinn (IP-tala skráð) 25.12.2008 kl. 02:54]

Til hamingju og ég veit að þú massar þetta eins og allt annað sem þú tekur þér fyrir hendur en þú ert samt crazy nigga bidds. Gleðilega hátíð sæta og hafðu það gott í faðmi fjölskyldunnar.

[Gígja danska (IP-tala skráð) 25.12.2008 kl. 17:35]

til hamingju með fjölgunina elskan, og mundu það að maður er ríkur að eiga þessar elskur... peningar gera mann ekki hamingjusaman einu saman.....

good luck með allt elskan, Gígja

[Ragna (IP-tala skráð) 26.12.2008 kl. 02:17]

Til hamingju með bumbubúann. Vona að allt gangi vel eins og áður :) Sendi þér uppskriftina að stelpunni í e-maili ;)

Hafðu það gott um jólin og áramótin.

Kv. Ragna og Ágústa

[Helga Rún (IP-tala skráð) 26.12.2008 kl. 16:33]

Gleðileg jól Birna mín og innilega til hamingju með litla Jón, Ég mæli samt frekar með að þú kallir hann Helgu..                það hljómar eitthvað svo gæfulegt

Þú bjallar á mig þegar þú kemur í borgina,                                                                                                                     nú ertu alveg búin að fara með pöbbaferðina okkar en þetta er líka eina gilda afsökunin                                         Gangi þér sem allra best.

Jólaknús. Helga Rún  

[Helga Rún (IP-tala skráð) 26.12.2008 kl. 16:39]

þetta komment fyrir ofan lítur furðulega út, en þú ert nú svo glögg er það ekki, glögg og glúrin.. klók jafnvel, að þér tekst að lesa í gegnum þetta

[Elín Sigurðardóttir, 28.12.2008 kl. 20:31]

Vó það er aldeilis frænka....til hamó með þetta 4-1 fyrir þér!

[anny og arnhildur (IP-tala skráð) 29.12.2008 kl. 12:58]

húrra f þér... svo er bara að vona að þú fáir e-rn samfó þér... það er svo gaman... gangi þer sem bestast ástin mín.... við getum það allt :D

ávallt og endalaust baby

[Eyrún (IP-tala skráð) 29.12.2008 kl. 14:52]

Til hamingju og gangi þér sem allra best, alltaf nóg af fjöri hjá þér

[Dagmar Íris (IP-tala skráð) 30.12.2008 kl. 15:46]

Til hamingju skellibjalla.

Jón bauni verður boðin velkomin með okkur ljónunum hérna í ágúst.

Kveðja og knús, Dagmar Íris 21.ágúst og Erik Annas 2.ágúst